කවි ගී තනු සම

අසරන වූ කවියක් ඔබ සිත තුල

හඬනු ඇසෙයි නිල් නෙත් යුග බොඳ කර

ගී තනුවක් රැව්දෙයි මා හද බැඳ

ඔබ සුසුම් හෙලන, හද ගැහෙනා රිද්මයකට

අද සුභ දවසකි කවි රස විඳිනට

බලනු හිරු සඳු යුග, අහසේ බබලන දෙස

වළා රොදක් ගෙන හිරු සඳු පිදුමට

හමනා කල සුළඟක් - සිසිලෙන් ගත දවටන

කවි පද, ගී තනු, ඒ සුළඟට මුසු කර

ගයමු අපිත් කොවුලන් ගී පරදන

හිරු බැස ගිය කල සඳ තරු නිහඬව

සිහින ලොවින් බැස අසා සිටිනු ඇත

මන රඳවන, හද සනසන, ගත පිනවන
සුමියුරු ඒ ගී නද